Qendra e Studentëve e Universitetit të Prishtinës “ Hasan Prishtina” në Prishtinë ka bërë përurimin e konviktit nr VIII të kësaj qendre.

Fatmir Sfishta, drejtor i Përgjithshëm i Qendrës së Studentëve tha me këtë rast se ky konvikt është një dhuratë për studentët e Kosovës në 10 vjetorin e pavarësisë, shkruan Arbresh.info.

Sfishta bëri të ditur se konvikti është i treti me radhë i financuar nga Ministria e Arsimit dhe është në vlerë prej 1,5 milionë euro bashkë me inventar.

“Konvikti që po hapim sot është i treti me radhë i financiar nga MASHT me 1.5 milionë euro, duke përfshirë edhe inventarin”, ka thënë Sfishta.

Sipas tij, konvikti ka 155 dhoma me 305 shtretër, biblioteka e leximore.

Numri i studentëve banues me këtë konvikt ka arritur në 4000./Arbresh.info

https://www.facebook.com/arbresh.info/videos/1704344916297260/